вторник, 1 мая 2018 г.

Դիպլոմային աշխատանք «Քաղաքային տեսարաններ» Բանգլադեշ

Դիպլոմային աշխատանք.  Քոլեջի «Լուսանկարչական գործ» մասնագիտության ուսանող Գոռ Խլոյան.  Որակավորումը` լուսանկարիչ.
Դիպլոմայինի ղեկավար` Մարինե Մկրտչյան
Ֆոտոպատմությունը իր մեջ ներառում է այս տարվա փետրվարից – մայիս ժամանակահատվածում նկարահանված կադրեր: Բանգլադեշի շենքերը, շքամուտքերն ու բնակիչներն իրենց առօրեայով, թափանցիկ, թաքնված կյանքով:  Իր ուսուցիչը, ուսանողներն ու ընկերները : Շարքում հիմնականում քաղաքային լուսանկարչության օրինակներ են, ու նաև մի քանի կադր, որ իր ձեռագրին շատ բնորոշ են: Նա չի կարողանում անտարբեր անցնել թռչունների, շների ու կատուների կողքով: Գոռի մոտ լավ ստացվում է լուսանկարի մեջ էմոցիոնալ համատեքստ դնել, թաքնված գործողությունների, իրադարձությունների ու կյանքերի պատմություններ ցույց տալ ուղղակի ակնարկով: 


Սկզբում ուզում էի սովորել Քոլեջի ոսկերչություն բաժնում, բայց քանի որ դասավանդող չուներ այդ պահին Քոլեջը, պատահականության սկզբունքով ընտրեցի լուսանկարչական գործը: Ես չէի սիրում նկարել, հետո ինքս ինձ ասացի՝ չի կարող այսպես շարունակվել, ես պետք է նկարեմ, ընտրել եմ այս մասնագիտությունը, ի՞նչի համար: Այդ հարցին պատասխանելու նպատակով գնացի բակ, փնտրում էի ինչից սկսեմ և տեսա մի մեքենա, որի վրա գրված էր՝Ռուլյատ Բլաձինկի:
Այդ տեքստով ոգեվորվեցի և սկսեցի մեքենաներ փնտրել, որտեղ փակցված են տեքստեր: Այդ ամենը նկարելուց հետո որոշեցի վարդեր նկարել՝ տարբեր տեսակի, իսկ հետո որոշեցի դիմանկարներ նկարել: Մարդիք ինձ չէին ժպտում, ես որոշեցի թաքուն նկարել:
Թաքուն նկարելու հետ հայտնվեց նաև իմ սերը թռչուն ու կենդանի նկարելու նկատմաբ: Սկսեցի տարբեր թեմաներով նկարել: Կամաց-կամաց սիրեցի իմ մասնագիտությունը, բայց տենց էլ չսիրեցի շենքեր նկարել:
Մոռացա պատմեմ, թե ինչպես սկսեցի շենքեր նկարել: Գյումրիի ճարտարապետությունը շատ հավանեցի, դրա համար փորձեցի նկարել: Սկզբից լավ չեր ստացվում. շենք նկարելու համար տարածաչափական հաշվարկ պիտի անես, բայց ես ալարում էի և անընդհատ կտրում էի շենքի մի մասը, ծուռ Էի նկարում կամ, շուռ Էի տալիս, սխալ նկարում: Հետո կամաց - կամաց ստացվեց, ու մի քանիսը դրել եմ նաև դիպլոմայինիս մեջ:
Մասնագիտությունս սիրեցի, բայց մի մտավախություն ունեմ: Մի տեսակ հիասթափվում եմ այն փաստից, որ մարդիք վատ նկարը ֆոտոշոփում են, լավը դարձնելու համար: Մտածում եմ, եթե կա ֆոտոշոփ, էլ ի՞նչ իմաստ ունի իմ մասնագիտությունը:








Комментариев нет:

Отправить комментарий

Դիպլոմային աշխատանք «Քաղաքային տեսարաններ» Բանգլադեշ

Դիպլոմային աշխատանք.  Քոլեջի «Լուսանկարչական գործ» մասնագիտության ուսանող Գոռ Խլոյան.  Որակավորումը` լուսանկարիչ. Դիպլոմայինի ղեկավար` Մ...